Wednesday, March 2, 2016
៥ វិធីដើម្បីធ្វើឲ្យមនុស្សរាប់លាននាក់ ស្គាល់យីហោអាជីវកម្ម ឬ ក្រុមហ៊ុនរបស់អ្នកបានឆាប់រហ័ស
៥ វិធីដើម្បីធ្វើឲ្យមនុស្សរាប់លាននាក់ ស្គាល់យីហោអាជីវកម្ម ឬ ក្រុមហ៊ុនរបស់អ្នកបានឆាប់រហ័ស
រូបតំណាង entrepreneur.com
១) បង្កើនសកម្មភាពផ្នែកបណ្ដាញសង្គម
បណ្ដាញសង្គមភាគច្រើន គឺមិនបានគិតថ្លៃសេវាប្រើប្រាស់ពីម្ចាស់គណនេយ្យឡើយ ហើយវាផ្ដល់នូវអានុភាពបំផុត ដើម្បីធ្វើឲ្យមនុស្សនៅឆ្ងាយមើលគ្នាមិនឃើញ បែរជាស្គាល់អ្នកច្បាស់ ប្រសិនបើអ្នកចេះប្រើប្រាស់វាឲ្យបានត្រឹមត្រូវ។ អ្នកត្រូវចេះបង្កើតនូវយុទ្ធសាស្ត្រទីផ្សារមួយលើបណ្ដាញសង្គមរបស់អ្នក ទៅដល់អតិថិជនគោលដៅជាចម្បង។ យ៉ាងហោចណាស់អ្នកត្រូវចេះប្រើបណ្ដាញសង្គមយ៉ាងស្ទាត់ជំនាញយ៉ាងតិចណាស់ក៏ចំនួន ៣ ដែរ ដូចជា Facebook, Twitter, YouTube ឬ LinkedIn ជាដើម ដែលទាំងអស់នេះជាមធ្យោបាយយ៉ាងសំខាន់ ដើម្បីធ្វើឲ្យឈ្មោះអាជីវកម្មរបស់អ្នកត្រូវបានមនុស្សទូទៅស្គាល់។
២) បង្កើតគេហទំព័រផ្លូវការឲ្យក្រុមហ៊ុនខ្លួនឯង
មិនថាអាជីវកម្មខ្នាត តូច ឬ មធ្យម នោះទេ នាពេលបច្ចុប្បន្ននេះ គឺពួកគេសុទ្ធតែមាន គេហទំព័រផ្ទាល់ខ្លួន ដើម្បីចែករំលែកព័ត៌មាន ពីក្រុមហ៊ុនខ្លួនឯង។ អ្វីដែលជាចំណុចសំខាន់របស់គេហទំព័រនោះគឺ សារអេឡិចត្រូនិក Email ដែលអតិថិជនអាចផ្ញើសារដោយផ្ទាល់តាមរយៈគេហទំព័រ ព័ត៌មានសម្រាប់ទំនាក់ទំនង រូបរាងគេហទំព័រ រក្សាកម្មសិទ្ធិបញ្ញារាល់អ្វីៗដែលបានចុះផ្សាយ និង ចេះប្រើរូបភាពជាដើម។
៣) ត្រូវរៀនសរសេរអត្ថបទផ្សាយពាណិជ្ជកម្ម
ដើម្បីធ្វើឲ្យគេស្គាល់កាន់តែច្បាស់ ពីផលិតផល ឬ សេវាកម្មក្រុមហ៊ុនរបស់អ្នក អ្នកគួរតែចេះរៀនសរសេរអត្ថបទផ្សាយពាណិជ្ជកម្ម។ អត្ថបទផ្សាយពាណិជ្ជកម្ម គឺជាប្រភេទអត្ថបទផ្សាយជាសាធារណៈដែលអ្នកផ្សព្វផ្សាយ ប្រើដើម្បីជូនដំណឹងដល់អតិថិជនរាប់លាននាក់ក្នុងមួយថ្ងៃៗ។ ប្រសិនបើអ្នកមិនមានពេលរៀនពីការសរសេរអត្ថបទផ្សាយពាណិជ្ជកម្ម អ្នកអាចស្វែងរកក្រុមហ៊ុនដែលមានវិជ្ជាជីវៈ ខាងសរសេរអត្ថបទពាណិជ្ជកម្ម ព្រោះវាជាគន្លឹះមួយដែលធ្វើឲ្យ ឈ្មោះអាជីវកម្មរបស់អ្នកកាន់តែល្បី។
៤) ប្រើប្រាស់រូបភាព ឬ វីដេអូ ដើម្បីផ្សាយពាណិជ្ជកម្មនៅលើបណ្តាញសង្គម ឬ គេហទំព័រ
គេហទំព័រ ដែលមានអមមកជាមួយរូបភាព ឬ វីដេអូ គឺមានភាពទាក់ទាញច្រើន ពីអតិថិជន ច្រើនជាងគេហទំព័រណា ដែលមានសុទ្ធតែអត្ថបទសុទ្ធ។ រូបភាពឬ វីដេអូ គឺមានភាពទាក់ទាញខ្លាំងពីអតិថិជន និងជួយធ្វើឲ្យពួកគេងាយចងចាំជាងអ្វីដែលអ្នកសរសេរក្នុងអត្ថបទ។ បន្ថែមពីលើនេះ ការប្រើប្រាស់រូបភាព ឬ វីដេអូ ក្នុងការផ្សាយពាណិជ្ជកម្ម គឺជួយបង្កើនការទុកចិត្តមួយកម្រិតទៀតលើអាជីវកម្មរបស់អ្នក អ្នកណាខ្លះបានចូលរួមពាក់ព័ន្ធ ហើយអ្នកកំពុងធ្វើអ្វីជាមួយផលិតផលឬ សេវាកម្មរបស់អ្នក។
៥) បង្កលក្ខណៈឲ្យមានភាពងាយស្រួលចាំ
តើអ្វីដែលអ្នកចង់ឲ្យពួកគេចងចាំឈ្មោះអាជីវកម្មរបស់អ្នក? ប្រសិនបើអ្នកចង់ឲ្យអាជីវកម្មខ្លួនមានឈ្មោះបោះសំឡេងនៅក្នុងទីផ្សារ អ្នកត្រូវតែចាំបង្កើតកិត្តិយស កេរ្តិ៍ឈ្មោះមួយឲ្យខ្លួនឯង។ អ្នកត្រូវតែធ្វើឲ្យប្រាកដថាឈ្មោះក្រុមហ៊ុនរបស់អ្នកមានភាពងាយស្រួលក្នុងការប្រកប ការនិយាយ និង ការបញ្ចេញសំឡេង។ អ្នកត្រូវចងចាំថាដើម្បីធ្វើឲ្យឈ្មោះ អាជីវកម្មរបស់អ្នកមានភាពងាយស្រួលអាននិងចាំ អ្នកមិនគួរដាក់ឈ្មោះឲ្យលើសពី ពីរម៉ាត់ឡើយដូចជាក្រុមហ៊ុនល្បីៗមួយចំនួន Apple, Twitter, Facebook, និង Wal-Mart ជាដើម។
៦) សរសេរពីប្រវត្តិអាជីវកម្ម
ប្រវត្តិអាជីវកម្ម ឬ ក្រុមហ៊ុនមួយ គឺជារឿងដំណាលដើម្បីផ្តល់ឲ្យអតិថិជនរបស់ខ្លួននូវព័ត៌មានដ៏ជាក់លាក់មួយថា អាជីវកម្ម ឬ ក្រុមហ៊ុនអ្នកមានប្រវត្តិយ៉ាងដូចម្តេច ហើយ មកពីណា? ការសរសេរពីប្រវត្តិក្រុមហ៊ុនជួយឲ្យអតិថិជនស្គាល់អ្នកកាន់តែច្បាស់ថាអ្នកជានរណា? បន្ថែមពីលើនេះវាកាន់តែជួយធ្វើឲ្យឈ្មោះអាជីវកម្ម ឬ ក្រុមហ៊ុនអ្នក កាន់តែមានទម្ងន់នៅក្នុងទីផ្សារទៀតផង។
Subscribe to:
Post Comments (Atom)
No comments:
Post a Comment